前天行街,經過A-Look,入去睇吓太陽眼鏡,順手驗吓眼。印象中對上一前係讀書時期陪朋友配眼鏡時驗過,當時個驗眼師仲問我點解可以冇近視,我仲好神氣咁答佢 :「好易啫! 夜晚唔開燈睇吓書就得架啦!」朋友聽到後哈哈大笑,話我寸。近年覺得自己視力好似差左,以前可能好遠好遠的細字都可以睇得一清二楚,現在會覺得懵懵地,不過這次一驗之下,發覺原來自己依然無近視 (有相為證), 個sales姐姐話 :「嘩! 零度... 你正常到唔正常喎!」她說正常人都起碼會有幾度,唔會全零, 話我好得人驚... 不過都好, 無近視始終好過有嘛!

最近忙得好交關,好似就病就病,都有少少擔心. 但都有好多開心事發生。最興奮的莫過於美君媽媽將要結婚了, 而且我有機會做她伴娘, 我等咗好耐啦! 真係好開心好開心! 上次陪她試婚紗都好愉快。媽媽,你記住, 你係我最好最好的朋友啊! 你要找到幸福啊!!

另外,得悉婆婆的爸爸過身的消息,感到很心痛,不過婆婆說他走得很安祥,那也是好事,做仔女的,哪個想看到至親受病魔的煎熬? 在此希望婆婆活得更堅強,他也想見到你們開心的活下去吧!