話說早前要做個名人試機,所以急急忙忙約左Shine做訪問,同事勸說不如約多個artist,因為隨時有變掛,於是約左啤梨.啤梨答應後,shine又說可以做訪問,結果多左出黎,正當唔知點算好的時候,同事約好另一artist做開版,結果被翹起,咁岩我約好shine,於是就有各着落.

訪問當日(7月23日)我都有去,因我都要做另一個唔係好關事的報導,想搵artist講幾句comment. 做完訪問,我要求同shine影左幾張合照.

尋日生果日報出左段報導,娛樂版頭條,指有傳言shine的天祐同鈴木仁在7月22日中環夜蒲時,天祐醉酒,無故出言挑釁後者,仲講粗口,之後有人出手打交,天祐被打至右眼爆缸.尋日即時有同事找我,問23日見到天祐時有無見佢右眼有傷,我話幾個人都無見到佢有傷喎,仲不知幾靚仔.下午天祐助手打來,問我可否俾相佢證明,我話公司相唔俾得,佢即食住個勢問可否俾我同佢私人影既相佢,至多打格仔丫咁話,我見可幫到佢唔幫囉,結果今日睇到報紙,...無打格仔囉!!!!!

無啦啦見自己個樣上左娛樂版..... 好激氣!!!!

有篇稿要星期六交,原本諗好左既題目,本來約好今朝影相訪問,仲約埋model,一個唔該原來有人做左,尋日仲見埋報,即時企左响度,無得做.一位超好人同事即時throw左另一個題目俾我follow,但有點雞,拎黎做大自己都過唔到自己果關,結果又左搵右搵,今日想約人做另一個題目又遲遲未覆,又唔想脫稿,一日打幾次電話去煩人地,但人地真係唔覆都無辦法...到現在這一刻都係未定實應該做咩好,唯有呢邊照做,果邊就照等回覆,希望有下文,起碼如果最後星期六都俾我補到料,最遲可以星期日交,都係遲一日,但出黎效果可以唔使咁核突...唉...激氣呀~~

暫時雖然手上都仲係無乜product由我主力跟開,不過其實都唔怕無稿交,尤其"月亮"果邊失驚無神會整d野俾你跟下,對我黎講都係好事,有野做好過無野做嘛!